قصيده في مدرب المنتخب الاماراتي

واحد سعودي مالفها


مشكور يابو شعر اشقر مشكور

فرحتنا وفرحت شعب الامارات

ياعساك عدد شعرك تكون منصور

وعساك ماتشوف بحياتك الويلات


وياعسى الحزن عليك دوم محظور

وتقضي ايامك بالسعاده والابتسامات

لو درى عنك الي بقبره اليوم مقبور

كان عطاك الجنسية وعليها درهيمات

الشيخ زايد الي بالطيب دايم مخبور

في عهده مافيه احد يوعان منا بات

تعال خلنا نعطرك بالطيب والبخور

ونرفعك على كتوفنا ونهديك البوسات

وندور فيك لحد مايطلـع عليـنا النور

ونرقص معك اليوله عند الاشارات

مايهمنا لا شرطه ولا حتى المرور

ويمكن هم معنا يجارونا بالرقصات

ونعزمك بافخم المطاعم على الفطور

ونقدملك افضل واطيب والذ الوجبات

وبعد ماتشبع نلبسك غتره سرور

ونخلي الجسمي يغنيلك الموالات

اعذورني يالنشامى على هالشعور

من زود فرحتي صرت الخبط بالابيات

مشوها ان كان فيها كم بيت مكسور

الاهم قدرت اوصل فرحتي بالكلمات


صح لسان راعيها
وان شاء الله عجبتكم